Real Madrid slavio protiv Majorke 2:1 u trećem kolu La Lige
Fudbaleri Real Madrida pobijedili su Majorku na domaćem terenu rezultatom 2:1 u trećem kolu La Lige. Iako rezultat možda ne govori, "los blankosi" su bili ti koji su diktirali tempo meča, što potvrđuje podatak da su im sudije poništile čak tri gola.
Kilijan Embape imao je dva poništena pogotka, pa mu je prekinut impresivan niz od sedam prvenstvenih utakmica sa barem jednim golom. Real je otvorio susret pogotkom koji je potom ukinut nakon VAR provjere, a Majorka je iskoristila pad ritma favorita i povela u 18. minutu preko Vedata Murićija.
Nakon što su arbitri poništili slavlje Francuza u sedmom minutu, Arda Guler je izjednačio za "kraljevićima" u 37. minutu, a već u 38. Vinisijus Žunior je donio preokret i pogodak koji je ostao kao konačan. Moglo je vodstvo biti ubjedljivije da Embapeu nije poništen još jedan gol pred kraj prvog poluvremena, a i kasniji pogodak Arde Gulera u nastavku je poništen.
Real sada ima maksimalnih devet bodova nakon tri kola, dok Majorka ostaje na jednom bodu.
